Një aksident me fatalitet ka ndodhur sot në Prizren.
Lajmin për teve1.info e ka bërë të ditur zëdhënësi rajonal i Policisë, Shaqir Bytyqi, i cili tha se menjëherë pas aksidentit, në vendin e ngjarjes dolën njësitë policore dhe eprorët përkatës.
Ndërkohë, ai tha se viktima i përket moshës së moshuar, ende nuk është identifikuar.
Ndërkaq, zëdhënësi bëri të ditur se i dyshuari në këtë rast është një polic nga Prizreni, i cili në momentin e aksidentit ka qenë jashtë detyrës zyrtare dhe duke lëvizur me veturë private.
Ai aktualisht ndodhet në Stacionin Policor të Prizrenit.
“Për veprimet e mëtejshme administrative dhe penale do të koordinohet me Inspektoratin Policor të Kosovës (IPK) dhe Prokurorin Kujdestar. Lidhur me rastin janë njoftuar të gjitha autoritetet përkatëse dhe procedurat hetimore po vazhdojnë”, tha ai. /teve1.info/
