Platforma e shërbimeve “e-Kosova” në bashkëpunim me Inspektoriatin Policor të Kosovës ka lansuar shërbimin për parashtrimin e ankesave ndaj zyrtarëve policorë.
Në njoftim thuhet se përmes këtij shërbimi qytetarët që pretendojnë se u janë shkelur të drejtat nga zyrtarët policorë u mundësohhet t’i raportojnë ato.
“Në bashkëpunim me Inspektoriatin Policor të Kosovës, në platformën eKosova u lansua shërbimi “Parashtrimi i ankesave ndaj zyrtarëve policorë”. Nëse pretendoni që u janë shkelur të drejtat tuaja nga zyrtarët policorë, ju mund të raportoni përmes shërbimit të lansuar duke ndjekur hapat si vijon:
- Identifikohuni në Platformën eKosova;
- Klikoni mbi “Shërbime”;
- Klikoni mbi “Inspektoratet”;
- Klikoni mbi “Parashtrimi i ankesave ndaj zyrtarëve policorë”. Shërbimin e gjeni në linkun: https://ekosova.rks-gov.net/Service/53″, thuhet në njoftim.
