Ministri i Shëndetësisë, Arben Vitia, është takuar me kryetarin e Komunës së Shtimes, Qemajl Aliu, ku u planifikuan 5 milionë euro investime në sektorin e shëndetësisë.
Vitia gjatë takimeve dhe vizitave në komunat ku së shpejti do fillojnë investimet në sektorin e shëndetësisë, kanë njoftuar se në vlerë prej 1 milion e 250 mijë euro do ndahen për ndërtimin e Qendrës Kryesore të Mjekësisë Familjare, si dhe ndërtimi i Entit Special, për të cilën janë ndarë 4 milionë euro.
“Ministri Vitia u takua me kryetarin e Komunës së Shtimes, Qemajl Aliu, planifikohen mbi 5 milionë euro investime. Ministri i Shëndetësisë, Dr. Arben Vitia ka vazhduar takimet dhe vizitat në komunat ku së shpejti do të fillojnë investimet në sektorin e shëndetësisë. Ai sot vizitoi Komunën e Shtimes ku është planifikuar ndërtimi i Qendrës Kryesore të Mjekësisë Familjare, për të cilën Ministria e Shëndetësisë ka ndarë buxhet në vlerë prej 1 milion e 250 mijë euro, si dhe ndërtimi i Entit Special në këtë komunë për të cilin janë ndarë 4 milionë euro”, thuhet në njoftimin e Ministrisë së Shëndetësisë.
Gjatë këtij takimi, Vitia ka thënë se përveç planifikimit për ndërtimin e projekteve kapitale, do mbetet i përkushtuar për përmirësimin e shërbimeve shëndetësore për qytetarët e Komunës së Shtimes, përcjell teve1.info.
“Ishte kënaqësi takimi me kryetarin Aliu. Me projektet e reja të cilat u prezantuan nga kryetari dhe drejtori i shëndetësisë, është tregue se në shëndetësi qytetarët e Shtimes në të ardhmen do të kenë shërbime shumë më cilësore. Sot biseduam edhe për dy projekte me rëndësi, siç janë ndërtimi i Entit Special dhe i QKMF-së në këtë komunë, projekte të cilat do të jenë në fokusin tonë dhe prioritete si Ministri e Shëndetësisë”, ka shtuar ministri Vitia.
Ndërsa, kryetari Aliu ka vlerësuar se është shumë lajm i mirë që vëmendja e pushtetit qendror është kthyer nga Komuna e Shtimes, e cila sipas tij, ka qenë e diskriminuar sa i përket investimeve në sektorin e shëndetësisë.
Derisa në njoftim e Ministrisë së Shëndetësisë, bëhet e ditur se së shpejti do të mbahet edhe një takim i radhës me të gjitha ministritë e linjës për të definuar procesin dhe përgjegjësitë në kuadër të shtimit të kapaciteteve dhe shërbimeve shëndetësore, si dhe ndërtimin e Entit Special dhe Qendrën Kryesore të Mjekësisë Familjare në Komunën e Shtimes./teve1.info/.
