Mehmet K, 45-vjeçar me prejardhje nga Kosova, është dënuar me 4 vite e gjysmë burgim nga Gjykata Rajonale e Kielit në Gjermani.
Ai akuzohet se e kishte plagosur me armë zjarri një 23-vjeçar, të dashurin e ish-bashkëshortes së tij. Ndërkaq, Prokuroria Publike është shprehur e bindur se 45-vjeçari kishte për synim vrasjen e 23-vjeçarit.
Sipas aktakuzës, i pandehuri fillimisht kishte hyrë në shtëpinë e ish-bashkëshortes dhe ishte fshehur në korridor. Kur viktima kishte hyrë në banesë ai ia kishte drejtuar armën në kokë. Megjithatë ai e kishte qëlluar viktimën në dorë dhe në këmbë dhe pastaj kishte ikur, shkruan rtl, përcjell teve1.info.
Po ashtu, bëhet e ditur se i pandehuri kishte kidnapuar djalin e gruas dhe e kishte rrahur, tre muaj para se të plagoste të dashurin e saj.