Gazetari i tëvë1, Valmir Gallopeni në një lidhje direkete nga Mitrovica e Veriut tha se sot në Leposaviq është tentuar të plaçkitet ndërtesa e “Bankës Kombëtare të Serbisë” dhe për pasojë është plagosur një person.
“Gjatë ditës së sotme në pjesën veriore është tentuar nga disa persona që ende nuk janë identifikuar të sulmohet një bankë gjatë procesit të bartjes së parave, mirëpo që në bazë të disa informacioneve që janë siguruar deri më tani thuhet se nuk ka pasur ndonjë person të vrarë pavarësisht që ka pasur shkëmbim me armë zjarri dhe ka qenë vetëm një roje sigurimi në atë bankë i cili ka marrë lëndime të lehta trupore”, tha ai.
Siç raporton gazetari i tëvë1, gjatë ditës së sotme situata në pjesën veriore të Republikës së Kosovës ka qenë e qetë. /teve1.info/
