Drejtori i ashtuquajturës Zyrë për Kosovën në Qeverinë e Serbisë, Petar Petkoviq ka reaguar pas akuzave të presidentes së Kosovës, e cila tha se Serbia ka shkelur marrëveshjen e Ohrit dy herë në 24 orët e fundit.
Petkoviq ka shkruar se “kur Osmani përmend shkelje të Marrëveshjes së Brukselit, me siguri i referohet Asociacionit”.
“Kur Vjosa Osmani përmend shkelje të Marrëveshjes së Brukselit, ajo me siguri i referohet Asociacionit të Komunave Serbe në K&M. Detyrimet e Pristhinës në këtë drejtim janë përshkruar në 6 paragrafët e parë të marrëveshjes dhe deri më sot, 10 vjet më vonë, rezultati është ZERO”, ka shkruar Petkoviq.
Sipas tij kjo përshkruan filozofinë politike të Prishtinës.
“Guximi i Vjosa Osmanit për të shitur moral për shkelje të Marrëveshjes së Brukselit është absurde, por absurditeti është fjala më e mirë për të përshkruar filozofinë politike në Prishtinë. Zgjedhjet e djeshme sapo e konfirmuan këtë”, ka shkruar Petkoviq.
https://teve1.info/lajmet/osmani-serbia-ne-me-pak-se-24-ore-ka-bere-dy-shkelje-te-marreveshjes-se-brukselit/
