Në Prishtinë një grua ka raportuar në Polici se pas një mosmarrëveshje rreth pronës bashkëshorti i saj e ka rrahur.
“Prishtinë, 27.07.2022-10:40. Viktima femër kosovare ka njoftuar se pas një mosmarrëveshje rreth një kontesti pronësor, bashkëshorti i saj i dyshuari mashkull kosovar ka sulmuar fizikisht. Palët janë intervistuar dhe me vendim të prokurorit, rasti vazhdon në procedurë të rregullt”, thuhet në raport.
E në Gllogoc, pas një mosmarrëveshje djali e ka rrahur nënën e tij, e cila e ka raportuar rastin në Polici.
I dyshuari është dërguar në mbajtje.
“Gllogoc, 27.07.2022-15:30. Viktima femër kosovare ka njoftuar se pas një mosmarrëveshje është sulmuar nga djali i saj, i dyshuari mashkull kosovar. Viktima është intervistuar, ndërsa i dyshuari pas intervistimit me vendim të prokurorit dërgohet në mbajtje”, ka njoftuar Policia.
Ndërsa në Gjilan, është arrestuar një person pasi që i njëjti ka rrahur gruan e tij, e cila ka pranuar edhe trajtim mjekësor, raporton teve1.info
“Gjilan, 26.07.2022-10:00. Është arrestuar i dyshuari mashkull kosovar pasi që i njëjti pas një mosmarrëveshje e ka sulmuar fizikisht bashkëshorten e tij, viktimën femër kosovare. Viktima ka pranuar trajtim mjekësor ndërsa i dyshuari pas intervistimit me vendim të prokurorit është dërguar në mbajtje”, thuhet në raport.
Edhe në Prizren një grua ka raportuar se është rrahur nga burri i saj.
Policia ka bërë të ditur se rasti është nën hetime.
“Prizren, 27.07.2022-19:34. Viktima femër kosovare ka njoftuar se ishte sulmuar fizikisht nga bashkëshorti i saj i dyshuari mashkull kosovar. Viktima ka pranuar tretman mjekësor. Rasti nën hetime”, thuhet në raport.
Po ashtu në Pejë, një person ka rrahur gruan dhe vajzen e tij, të cilat kanë pranuar edhe tretman mjekësor, ndërsa i dyshuari është dërguar në mbajtje.
“Pejë, 27.07.2022-20:59 .Është arrestuar i dyshuari mashkull kosovar pasi që pas një mosmarrëveshje ka sulmuar fizikisht bashkëshorten dhe vajzën e tij, viktimat femra kosovare. Viktimat kanë pranuar tretman mjekësor. I dyshuari me vendim të prokurorit dërgohet në mbajtje”, thuhet në raport./teve1.info/
