Randal Kolo Muani flet pak jashtë fushës, por tregon gjithçka me vepra gjatë ndeshjes.
I përzgjedhur si futbollisti më i mirë ai ka dalë përpara mikrofonave të “DAZN”, duke treguar se po jeton një moment të artë.
“Të jem këtu është si një ëndërr për mua. Kam shokë skuadre fantastikë që më kanë ndihmuar të përshtatem dhe të jap më të mirën. Fituam një ndeshje të vështirë, ndaj një rivali që luan mirë. U treguam të zotët që të besonim deri në fund. Jam i kënaqur për golat, por mbi të gjitha për fitoren e skuadrës. Duhet të vazhdojmë kështu. Që tani mendja ime dhe e të gjithëve është në ndeshjen e radhës. Juventusi duhet të luajë gjithmonë për të fituar dhe duhet të punojmë më shumë për të korrigjuar disa gabime”, ka thënë pas ndeshjes sulmuesi i Juventusit.
