Është përmbyll edicioni i parë i Shkollës për Diplomaci të Diasporës e organizuar nga Akademia Diplomatike e Ministrisë së Punëve të Jashtme dhe Diasporës, ku janë certifikuar 50 pjesëmarrës nga 30 shtete të botës.
Zëvendësministrja e Punëve të Jashtme dhe Diasporës, Liza Gashi ritheksoi se programi i Shkollës për Diplomaci të Diasporës është hartuar me qëllim të kultivimit dhe mbështetjes së krijimit të një rrjeti global të diplomatëve të karrierës.
“Programi i Shkollës për Diplomaci të Diasporës synon të shndërrohet në Program tradicional në kuadër të Akademisë Diplomatike të Kosovës”, thuhet në njoftimin e ministrisë.