Një përleshje mes tre personave ka ndodhur paraditen e së martës në sheshin “Nëna Terezë” në Klinë.
Në këtë incident, dy persona kanë pësuar lëndime trupore nga një mjet i mprehtë, kështu ka bërë të ditur për tëvë1.info, zëdhënësi i policisë për rajonin e Pejës, Fadil Gashi.
Gashi ka bërë të ditur se të lënduarit janë duke u trajtuar në Spitalin e Pejës dhe janë jashtë rrezikut për jetë.
“Në ora 10:40 është njoftu policia në Klinë se në sheshin “Nëna Terezë”, pas një mosmarrëveshje ka filluar një përleshje mes tre personave, dy prej tyre kanë pësuar lëndime nga një mjet i mprehtë. Janë duke u trajtu në spitalin në pejë, janë jashtë rrezikut për jetë”, tha ai.
Gashi shtoi se në vendin e ngjarjes janë njësitet kompetente dhe se personi i tretë gjendet në arrati./teve1.info/
