Një incident fizik është raportuar dje në Prishtinë, ku dy persona janë përfshirë në një përleshje duke përdorur mjete të forta.
Si pasojë e konfliktit, të dy të përfshirët kanë pësuar lëndime trupore dhe kanë kërkuar ndihmë mjekësore në Qendrën Klinike Universitare të Kosovës (QKUK).
Sipas njoftimit të Policisë, rasti ka ndodhur më 20 dhjetor rreth orës 01:55. Pas trajtimit mjekësor dhe intervistimit nga autoritetet, me vendim të prokurorit kompetent, të dy personat janë liruar për t’u proceduar në mënyrë të rregullt.
“Është raportuar se dy të dyshuar m/k kanë sulmuar fizikisht dhe me mjete të forta njëri tjetrin dhe si pasojë kanë pësuar lëndime trupore. Të dyshuarit kanë marrë tretman mjekësor në QKUK dhe me urdhër të prokurorit pas intervistimit janë liruar në procedurë të rregullt”, thuhet në njoftim. /teve1.info/
