Komisioni Qendror i Zgjedhjeve (KQZ) ka njoftuar se është përmbyllur verifikimi i rezultateve të rundit të dytë të zgjedhjeve për kryetarë komunash në 17 nga 18 qendrat komunale të numërimit.
Procesi është përfunduar në Junik, Mamushë, Kllokot, Obiliq, Klinë, Vushtrri, Dragash, Rahovec, Gjakovë, Gjilan, Fushë Kosovë, Suharekë, Kaçanik, Prishtinë, Viti, Prizren dhe Pejë.
Ndërkohë, verifikimi në Mitrovicën e Jugut, që ka filluar të martën në orën 16:20, është ende në vazhdim dhe pritet të përfundojë të mërkurën.
Po ashtu, KQZ ka bërë të ditur se të martën në orën 14:00 ka nisur rinumërimi i 41 vendvotimeve në Qendrën e Numërimit dhe Rezultateve, me kërkesë të Panelit Zgjedhor për Ankesa dhe Parashtresa (PZAP).
“Vendvotimet që do të rinumërohen i takojnë zgjedhjeve për Kuvendin Komunal në Gllogoc dhe janë: 0324/01, 0325/01, 0322/01, 0320/01, 0318/02, 0317/04, 0317/03, 0316/02, 0312/02, 0310/03, 0310/02, 0304/01, 0321/01, 0324/03, 0327/01, 0315/02, 0316/01, 0308/01, 0320/02, 0306/01, 0301/05, 0301/04, 0328/02, 0326/03, 0311/03, 0340/03, 0311/05, 0310/01, 0323/03, 0322/0, 0323/02, 0311/01, 0330/01, 0324/02, 0317/01, 0317/02, 0324/02, 0309/01, 0309/02, 0310/05 dhe 0313/01”, thuhet në njoftimin e KQZ-së.
