I dyshuari për “krime lufte kundër popullsisë civile”, me inicialet R.M., ka përfunduar sot seancën në Gjykatën Themelore në Prishtinë.
R.M. u arrestua ditë më parë nga Policia e Kosovës në Prishtinë dhe dyshohet për pjesëmarrje në masakrën e 34 civilëve shqiptarë në fshatin Burim të Malishevës, gjatë periudhës 29-31 mars 1999.
Prokuroria ka bërë të ditur se R.M., së bashku me pjesëtarë të forcave policore dhe ushtarake serbe, ka marrë pjesë në këtë masakër. Gjatë hetimeve janë siguruar prova materiale, përfshirë dëshmi nga dëshmitarë okularë dhe të mbijetuar.
Seanca e sotme ndaj tij u mbajt e mbyllur për media.
