149 gjoba janë shqiptuar nga data 16 mars e deri më sot për ata që nuk kanë zbatuar Ligjin për Kontrollin e Duhanit.
Kështu ka bërë të ditur ministri i Bujqësisë, Faton Peci, përcjell teve1.info
“Ata të cilët në çfarëdo forme tentojnë ti shkelin rregullat, sigurisht që do të përballen me masën ndëshkimore qe e ka përcaktuar ligji. Nga data 16 deri me sot kemi realizuar 683 inspektime nga të cilat kemi hasur në 149 raste të shkeljes se ligjit, për të cilat raste kanë pasuar gjobat”, ka shkruar ai në Facebook.
Peci thotë se si duhanpirësit, ashtu dhe joduhanpirësit po i shijojnë shërbimet e kafiterive pa tym duhani.
“Do ju dëshmojmë përkushtimin tonë në mbikëqyrje të zbatimit të ligjit të duhanit me tolerancë zero ndaj shkelësve. Për më tepër, përtej ndërgjegjsimit qytetar që është më se i dukshëm, urojmë të reflektojnë të gjithë ata që përpiqen që jo vetëm ta minimizojnë punën tonë, por edhe ta ulin poshtë vullnetin e qytetarëve për bashkëpunim”, është shprehur Peci.
Ministri Peci ka theksuar se ajo çfarë e bën atë të ndjehet krenar është “kultura e masave qytetare të cilët po e shprehin në respektim të vullnetshëm të ligjit”. /Teve1.info/
