Kombëtarja e Zvicrës nuk ka mundur të avancoj përtej 1/8 së finales në Kampionatin Evropian “Gjermania 2024”.
Të shtunën në Dusseldorf, Zvicra u eliminua në këtë fazë nga Kombëtarja e Anglisë pas penalltive.
Koha e rregullt përfundoi 1:1, ndërsa edhe dy vazhdimet nga 15-të minuta nuk prodhuan gol. Nga penalltitë, të gjithë lojtarët e Anglisë ishin të saktë kurse te Zvicra dështoi mbrojtësi Manuel Akanji, i cili gjuajti i pari. Penalltinë e realizoi edhe Xherdan Shaqiri për “helvetikët”.
Pjesa e parë u mbyll pa gola, ndërsa rezultati u zhbllokua pas një çerek ore lojë në pjesën e dytë.
Breel Embolo realizoi në minutën e 75-të nga afërsia dhe reagimi i ngathët i mbrojtësit anglez John Stones pas harkimit të Dan Ndoye nga krahu i djathtë.
Megjithatë, Anglia u kundërpërgjigj me anë të Bukayo Saka, i cili realizoi gol fantastik në minutën e 80-të për rezultatin përfundimtar dhe dërguar ndeshjen në vazhdime.
Gjatë vazhdimeve, Zvicra pati rast të mirë dhe atë nëpërmjet Shaqirit, i cili u inkuadrua në minutën e 109-të kurse pak minuta më vonë e qëlloi shtyllën nga korneri. Për dallim prej Shaqirit që u aktivizua në minutat e fundit, Granit Xhaka si kapiten ishte i pazëvendësueshëm dhe pati disa ndërhyrje efektive.
Në gjysmëfinale, Anglia do të përballet me fituesin e ndeshjes Holandë – Turqi që nis në orën 21:00.
