Palestra “Karagaçi” në Pejë, do të jetë e mbushur përsëri pas më shumë se 4 muajsh.
Palestra në fjalë ishte e thatë për shkak të problemeve me semaforin, dhe ndeshjet duhej të zhvendoseshin në palestra tjera alternative.
Rrikthimin në shtëpi e bëri të ditur vet faqja zyrtare e klubit të basketbollit Peja, ku njoftoi se ndeshja e xhiros së katërt të Superligës së Kosovës në basketboll ndaj Yllit, zhvillohet në shtëpinë e “Shqiponjave”.
“Rikthehemi në SHTËPI. Pas mbi 4 muajve mungesë, ka ardhur koha që ngjyrat verdh e zi të sundojnë përsëri në palestrën ‘Karagaçi’
Për ne, ky do të jetë takimi i parë bashkë me juve në sezonin 2024/25, andaj ju presim të shtunën e 5 tetorit me fillim në orën 19:00 për ndeshjen KB Peja – G.E. Ylli”, thuhet në njoftimin e skuadrës së Pejës.
Në këto 4 muaj, skuadrat nga qyteti i Pejës, ndeshjet i zhvillonin në palestrën “Shani Nushi” në Gjakovë.
Pos basketbollit, me palestër probleme të tilla kanë pasur dhe hendbolli, volejbolli, futsalli e disa sporte tjera.
