Peja ka shënuar fitore të lehtë të dielën pasdite në Prizren ndaj Proton Cable Prizrenit me rezultat 115:85.
Peja në xhiron e parë e mposhti Vëllaznimin me 20 pikë dallim, ndërsa edhe më thellë fitoi ndaj Prizrenit. Dallimi ishte 30 pikë. Skuadra prizrenase në xhiron e parë kishte pësuar nga Sigal Prishtina.
Skuadra pejane ka fituar të gjithë çerekët e ndeshjes. Periudhën e parë e fitoi 25:18, ndërsa në të dytën epërsia e mysafirëve u rrit edhe për pesë pikë. 27:23 në të mirë të Pejës ishte rezultati në çerekun e tretë. Çereku i katërt, që ishte thuajse formalitet, përfundoi 33:19 për skuadrën e Rami Hadarit.
John Chandler udhëhoqi Pejën me 27 pikë, katër kërcime e katër asistime. Kapiteni Lis Shoshi i kishte 21 pikë, 12 kërcime e tri asistime. Beck Terwell ndeshjen e përfundoi me 24 pikë e gjashtë kërcime.
Urim Zenelaj u dallua te Prizreni me 14 pikë, katër kërcime e pesë asistime. Isaiah Kelly i kishte 23 pikë e gjashtë kërcime.
Në xhiron e tretë Peja e pret Trepçën, ndërsa Prizreni luan në Gjakovë ndaj Vëllaznimit.
