Kampionia e Kosovës në basketboll, Peja ka zënë vendin e tretë në Ligën Ballkanike (BIBL).
Të dielën në Qipro, Peja triumfoi ndaj skuadrës së Lovqenit me shifrat 93:82 në ndeshjen për vendin e tretë.
Pejanët kanë dominuar pothuajse gjatë tërë takimit dhe në fund arritën ta mposhtin Lovqenin, i cili në gjysmëfinale të “Final 4” të BIBL-it u mposht nga Sigal Prishtina.
Amerikani Justin Edler Davis ishte më i merituari për këtë triumf të Pejës, pasi ndaj Lovqenit realizoi 34 pikë e 10 kërcime.
Te Peja me lojë të mirë u veçua edhe Deandre Davis që shtoi 15 pikë, ndërsa Larry Thomas pati 15 pikë të shënuara. Te skuadra e Lovqenit, më efikasi ishte Andreja Stevanoviq me 29 pikë të realizuara.
