Kandidati për kryetar të Komunës së Mitrovicës nga Lëvizja Vetëvendosje, Faton Peci, në një takim me banorët e fshatit Kçiq ka prezantuar projektet e tij për këtë fshat.
Përmes një postimi në Facebook, Peci ka bërë të ditur se projektet e tij për zhvillim janë ndërtimi i çerdhes, zgjidhja e çështjes së komasacionit, ndërtimi i urës që lidh Kçiqin me Frashërin, përmirësimi i kanalizimit dhe ndriçimit publik.
“Në çdo lagje e në çdo lokalitet, vlerësimi i qytetarëve është i njëjtë: kanë dështuar në çdo aspekt. Ndërsa ne do të ndryshojmë mendësinë qeverisëse në funksion të zhvillimit të Mitrovicës. Në Kçiq, së bashku me banorët, konfirmuam projektet tona për zhvillim: Ndërtimin e çerdhes, Zgjidhjen e çështjes së komasacionit, Ndërtimin e urës që lidh Kçiqin me Frashërin, Përmirësimin e kanalizimit dhe ndriçimit publik. Për qytetin që duam”, ka shkruar ai.
