Kryetari i Komunës së Mitrovicës, Faton Peci ka njoftuar se sot është intervistuar nga Prokuroria për të dhënë përgjigjet dhe sqarimet në kallëzimin penal të ngritur nga LDK-ja përmes ish-deputetit të zgjedhur nga votat e vjedhura të mërgatës, Paris Guri.
Ai ka deklaruar se në Prokurori ka qenë transparent dhe i drejtpërdrejt në lidhje me shpjegimet rreth çështjes dhe rolit që ka pasur si ministër në procesin e granteve të Ministrisë së Bujqësisë.
Peci ka lajmëruar se shpejt do t’i drejtohet organeve të drejtësisë për të paditur ish-deputetin Paris Guri për shpifje.
“Sepse ai permes orkestrimit udhëhoqi një fushate, shpifjesh e insinuatash të paqena, që çuan deri te një kallëzim i rrejshëm penal kundër meje si minister”, ka shkruar Peci./teve1.info/
