Ministri i Bujqësisë, Faton Peci, ka reaguar ndaj deklaratës së Yll Bogaj, i cili pretendon se është pronar i objektit të pronës së IBK-së, për të cilin ky i fundit tha se i takon shtetit.
Përmes një postimi në Facebook, Peci ka shkruar se nuk u ka frikën uzurpatorëve e kriminelëve, që sipas tij, Kosovën duan ta shohin si plaçkë.
Peci në postim ka bashkangjitur një vendim, me të cilin pretendon se janë të gjitha dëshmitë e nevojshme ligjore për ta mbështetur deklaratën e tij.
“Derisa, në postim ka bashkangjitur vendimin me të gjitha dëshmitë e nevojshme. Nuk ia kam frikën ozurpatorëve, zhvatësve e as kriminelëve që Kosovën e duan dhe e shohin si plaçkë! Paradoksi: 700 metra katrorë lokal afarist në pronë të shtetit dhe padi Ministrisë se nuk i din mirë kufijtë! I gjithë oborri i pronës së IBK-së është ndërtim i vrazhdë betoni i shëndrruar në depo, ndërsa vazhdon euforia e kërcënimit me padi të Ministrit! Për koinçidencë edhe kumbara i tjetërsimit të pronave Fehmi Geci, përmes ish-punonjësve serb të IBK-së vazhdon ta përsërisë të njëjtën frazë. Ka patur dhe deputet që më kanë paditur, por askush në Kosovë nuk mund të flasë për një shkelje ligjore e hiç se hiç për keqpërdorim apo keq menaxhim të një centi të taksapaguesve”, thuhet në postimin e Pecit.
Ndërkaq, kujtojmë se Begaj përmes një postimi ka bërë të ditur se ka ushtruar kallëzim penal ndaj ministrit Peci.
Ai tutje pretendon se prona në Ulpianë është e tija dhe për këtë posedon edhe certifikatë pronësore./teve1.info/.
Peci merr vendim për lirimin e pronës në Ulpianë, për të cilën thotë se i është uzurpuar shtetit
