Njëherit, Peci njoftoi se tashmë në javën e parë të janarit, kanë aprovuar programin për pagesa direkte apo subvencione për vitin 2023.
“Viti 2022 ishte vit tepër i suksesshëm për sektorin e bujqësisë. Këtë vit po e fillojmë shumë mbarë, pasi në javën e parë të janarit aprovuam programin për pagesa direkte, apo subvencione për vitin 2023. Ky program është i mundur, pasi në vitin që lamë pas, në afat rekord mbështetëm vetëm në kategorinë e subvencioneve 28 mijë e 222 fermerë me një vlerë monetare prej 61.8 milionë euro, pa asnjë obligim financiar si asnjëherë më parë”, deklaroi Peci para medieve.
Madje sipas Pecit, nga angazhimi i Qeverisë Kurti, fermerët e Kosovës tanimë janë më të përkrahurit në rajon.
Njëkohësisht, ministri Peci tha se kanë denoncuar e demaskuar abuzimet flagrante në prona dhe paranë publike.
“Angazhimi ynë si Qeveri, bëri që ta shndërrojmë fermerin e Kosovës, në fermerin më të përkrahur në rajon, në sektorin e drithërave, pemëve dhe perimeve. Afirmuam politikat bujqësore, hartuam e aprovuam strategji dhe plane të veprimit, avancuam legjislacionin dhe koncept dokumentet, arritëm partneritetin dhe përkrahjen financiare të organizatave e institucioneve ndërkombëtare. Denoncuam dhe demaskuam abuzimet flagrante në pronat dhe paranë publike”, tha tutje Peci.
Peci vlerësoi se nga serioziteti i përkrahjes së madhe, është shënuar rritje në eksportin e produkteve bujqësore, me shkallë prej 44 përqind.
“Është hera e parë që ky program lansohet në fillim të vitit, kjo falë vullnetit, punës dhe angazhimit tonë, në mënyrë që bujqërit e Kosovës të kenë qasje të hershme të mbështetja financiare institucionale, e që ka qenë kërkesë e kamotshme e fermerëve tanë, si dhe të rrisim më tej kontrollin dhe menaxhimin financiar”, u shpreh tutje Peci./teve1.info/.
