Partia Demokratike ka njoftuar se e mbështet “Marshin për Drejtësi”, të organizuar nga platforma “Liria ka emër”, në solidarizim me krerët e UÇK-së në Hagë, para nisjes së procesit gjyqësor.
Kryetari Memli Krasniqi i ka ftuar të gjithë përfaqësuesit e PDK-së në organet drejtuese që të organizohen dhe të ftojnë çdo aktivist, votues dhe secilin qytetar të Kosovës pa dallim që t”i bashkohen “Marshit për drejtësi”, më 2 prill.
“Kryetari Krasniqi ka theksuar se mesazhi i Marshit për Drejtësi është paqësor dhe qytetar, në solidarizim me krerët e luftës e paqes, Hashim Thaçit, Kadri Veselit, Jakup Krasniqit, Rexhep Selimit dhe bashkëluftëtarëve të tyre, para fillimit të procesit gjyqësor”, thuhet në njoftim.
“Marshi për Drejtësi” fillon në ora 14:00 nga Sheshi “Zahir Pajaziti”, më 2 prill.
