Kryeministri në detyrë, Albin Kurti, i ka dërguar ftesë kryetarit të Lidhjes Demokratike të Kosovës-së, Lumir Abdixhikut për t’u takuar për konsulta në prag të konstituimit të Kuvendit të Kosovës dhe procesit të zgjedhjes së Qeverisë së re.
Sipas burimeve të Tëvë1 një ftesë e tillë nga Kurti nuk u ka shkuar as Partisë Demokratike të Kosovës dhe as Aleancës për Ardhmërinë e Kosovës.
Ndryshe, në letrën e dërguar Kurti ka kërkuar takim këtë javë me Abdixhikun, duke ofruar si opsion datën 9 prill dhe 10 prill.
“Me certifikimin e rezultateve përfundimtare të zgjedhjeve parlamentare të 9 shkurtit 2025 nga Komisioni Qendror i Zgjedhjeve, siç e dini edhe Presidentja e ka caktuar mbledhjen e parë të Legjislaturës së Nëntë të Kuvendit të Republikës së Kosovës për datë 15 prill 2025. Me qëllim të konstituimit të plotë të Kuvendit të Republikës së Kosovës dhe procesit të zgjedhjes së Qeverisë së re, për t’u konsultuar paraprakisht, ju ftoj në takim të mërkurën, me datë 9 prill, në orën 15:00, apo të enjten, me datë 10 prill, në orën 9:00 ose në 14:00. Mirëpres përgjigjen tuaj për këtë takim”, shkruhet në letër.
Kurti i shkruan letër Abdixhikut, e fton për takim konsultativ
