Kompania Rajonale e Mbeturinave “Pastrimi” ka njoftuar qytetarët e lagjeve “Lakrishtë”, “Dardani” dhe “Qendër” se sonte do të fillojë largimi i mbeturinave inerte dhe vëllimore.
Përmes një njoftimi të publikuar në rrjetin social Facebook, kompania u ka bërë thirrje banorëve të këtyre lagjeve që mbeturinat t’i nxjerrin në pikat e caktuara, përkatësisht afër kontejnerëve, duke filluar nga ora 19:00, në mënyrë që procesi të zhvillohet sa më shpejt dhe pa pengesa.
Po ashtu, nga “Pastrimi” kanë kërkuar bashkëpunimin e qytetarëve që të mos i parkojnë veturat afër kontejnerëve dhe në hyrje të rrugicave, pasi kjo pamundëson kryerjen e shërbimit të largimit të mbeturinave.
“Njoftohen qytetarët e lagjeve “Lakrishtë”, “Dardani” dhe “Qendër” se sonte KRM “Pastrimi” fillon largimi i mbeturinave inerte dhe vëllimore. Luteni që mbeturinat të nxirren në pikat e caktuara (afër kontejnerëve) prej orës 19:00, në mënyrë që procesi të zhvillohet sa më shpejt dhe pa pengesa. LUTENI që MOS T’I PARKONI VETURAT afër kontejnerëve dhe në hyrje të rrugicave sepse na pamundësoni kryerjen e shërbimit.Faleminderit për bashkëpunimin dhe mirëkuptimin tuaj në ruajtjen e pastërtisë së qytetit”, thuhet në njoftim.
