Në një postim në Facebook, Hajdari theksoi se të dyja palët janë shprehur të gatshëm në koordinimin e aktiviteteve të mëtutjeshme për të mirën e qytetarëve.
“Në Ministrinë e Industrisë, Ndërmarrësisë dhe Tregtisë, bashkë me Kabinetin e MINT dhe Inspektoratin e Tregut mirëpritëm në takim Inspektorët e Tregut të cilët veprojnë në Komunat e Republikës së Kosovës. Bashkëpunëtorët Inspektorë të Tregut i falënderova për bashkëpunimin në terren, lidhur me çrregullimin e çmimeve të tregut tonë dhe shprehëm gatishmërinë në kordinimin e aktiviteteve të mëtutjeshme, për të mirën e qytetarëve, bizneseve dhe shtetit”, ka shkruar Hajdari.
Para dy ditësh, Inspektorati i Tregut ka mbyllur depot e dy operatorëve ekonomikë në Fushë Kosovë dhe Graçanicë, nën dyshimin për ngritje çmimesh. /Teve1.info/
