Për një kohë, mbeti në këtë gjendje.
Në këtë vend në Shtedim të Podujevës, 37 vjet më parë, ra heroikisht Ali Ajeti.
Heroi llapjan, me 31 maj të vitit 1989, u qëllua nga forcat serbe, pas një demonstrate në qytetin e Podujevës.
Por, në vendin ku ra udhëheqësi i “Çetës së Llapit” së fundmi po ndërtohet edhe një pllakë përkujtimore.
Krejt kjo pasi e vjetra, u demolua disa herë.
Për këtë çështje, Tëvë1 ka kontaktuar familjen Ajeti.
Për të njëtit, nuk kanë pranuar të flasin, deri në përurimin e pllakës së re përkujtimore.
E sipas Komunës së Podujevës, në këtë projekt kontribuuan edhe qytetarët e bizneset e Podujevës.
“Projekti për ndërtimin e obelisk të Ali Ajetit ka filluar para një muaji dhe aktualisht ndodhet në fazën përfundimtare të realizimit. Ky projekt është një iniciativë e Komunës, në bashkëpunim të ngushtë me miqtë dhe familjarët e Ali Ajetit, ndërsa financimi është siguruar nga komuniteti i biznesit dhe qytetarët. Roli i Komunës ka qenë koordinimi i të gjitha aktiviteteve dhe aktorëve të përfshirë, duke siguruar mbarëvajtjen e procesit dhe realizimin me sukses të këtij projekti me rëndësi të veçantë për komunitetin”, thuhet në njoftimin e Komunës së Podujevës.
Ndryshe, se vrasja e Ali Ajetit ndodhi në një periudhë të tensionuar, kur shqiptarët e Kosovës po kundërshtonin ashpër shtypjen e regjimit serb.
