Përmes një seance plenare, Parlamenti Evropian sot do të votojë për liberalizimin e vizave për Kosovën.
Kjo është bërë e ditur edhe në draft-agjendën e miratuar nga Konferenca e Presidentëve, e që është publikuar edhe në uebfaqen zyrtare të parlamentit.
Ky votim do të ndodhë sipas procedurës së votimit urgjent propozuar nga deputeti, Thijs Reuten, i cili është edhe raportues për çështjen e liberalizimit të vizave për Kosovën.
Pas këtij hapi pason nënshkrimi i tekstit që garanton liberalizimin e vizave për Kosovën, shkruan teve1.info
Akti ligjor duhet të nënshkruhet nga përfaqësuesit e institucioneve të BE-së: Komisioni Europian, Këshilli Europian, Komisioni Europian dhe Parlamenti Europian. Më pas, vendimi duhet të publikohet në gazetën zyrtare dhe liberalizimi i vizave hyn në fuqi në afatin e dakorduar.
Liberalizimi i vizave do të hyjë në fuqi në datën e funksionalizimit të sistemit ETIAS por jo më vonë se 1 janari 2024, pra, edhe nëse ky sistem nuk hyn në funksion deri në atë datë.
Sipas rregullave të Parlamentit Evropian, liberalizimi i vizave nënkupton që qytetarët e Kosovës do të kenë kohë të qëndrojnë 90 ditë në Zonën Shengen, në një periudhë prej 180 ditësh.
