Policia ka arritur ta parandalojë kontrabandimin e nëntë kuajve dhe të një gomari, në një rrugë malore në Viti.
Sipas njoftimit, disa persona fillimisht ishin identifikuar duke i sjellë në këmbë disa kuaj nga fshati Tanush Republika e Maqedonisë veriore, përmes rrugëve ilegale.
Megjithatë në një rrugë malore në Kabash të Vitisë është parandaluar kontrabandimi.
“Lidhur me rastin është njoftuar prokurori kujdestar, Dogana e Kosovës dhe AUV-i. Me urdhër të prokurorit kafshët sekuestrohen dhe dërgohen në terminalin doganor për procedim të mëtejmë të rastit”, thuhet në njoftimin e PK-së.
