Agjencia e Menaxhimit Emergjent ka kërkuar nga komunat që të rrisin nivelin e gatishmërisë pas paralajmërimeve për vërshime nga Instituti Hidrometeorologjik i Kosovës.
Në apelin e AME-së kërkohet përcjella e situatës nga afër dhe rritja e shkallës së gatishmërisë për reagime.
“Referuar njoftimit me dt. 26.02.2023 nga Instituti Hidrometeorologjik i Kosovës (IHMK) për situatën e pritshme nga të reshurat në pjesë të ndryshme të territorit, Agjencia e Menaxhimit Emergjent MPB kërkon ngritjen e vigjilencës dhe përcjelljen e situatës nga afër, si dhe rritjen e shkallës së gatishmërisë për reagim të kapaciteteve nga Njësit Profesionale të Zjarrëfikjes dhe Shpëtimit (NJPZSH )dhe resurseve tjera për Mbrojtje dhe Shpëtim në nivel Komunal”.
IHMK ka paralajmëruar vërshime të shpejt në disa pjesë të vendit pas reshjeve të shiut që kanë filluar të dielën dhe që pritet të ketë edhe të hënën./teve1.info/
