Gjykata Themelore në Prishtinë u ka caktuar masën e paraburgimit çiftit nga Lipjani për moskujdesje ndaj fëmijës së tyre.
A.K dhe V.P dyshohen për veprat penale Shkelja e detyrimeve familjare dhe Lëndim i rëndë trupor.
“Gjyqtarja e procedurës paraprake pas dëgjimit të palëve në procedurë dhe pas analizimit të shkresave të lëndës gjeti se kërkesa e Prokurorisë Themelore në Prishtinë për caktimin e masës së paraburgimit është e bazuar, andaj aprovoj kërkesën e PTHP-së, për caktimin e masës së paraburgimit ndaj të pandehurve A.K. dhe V.P, ashtu që të njëjtëve iu është caktuar masa e paraburgimit në kohëzgjatje prej 1 (një) muaji, për secilin”, thuhet në komunikatën e Gjykatës.
Dy prindërit janë arrestuar pasi fëmija i tyre 5-vjeçar ishte dërguar në gjendje të rëndë në QKUK, ai kishte lëndime të rënda trupore dhe shenja të kequshqyerjes.
