Disa qytetarë janë mbledhur para ndërtesës së Kuvendit të Kosovës, ku kanë pritur deputetët e zgjedhur dhe u kanë shpërndarë broshura me fotografi të ish-drejtuesve të UÇK-së, të cilët aktualisht po përballen me proces gjyqësor në Gjykatën Speciale.
Ky veprim u zhvillua pak para fillimit të seancës konstituive të Kuvendit.
Në të njëjtën kohë, nënkryetarja e Partisë Demokratike të Kosovës, Vlora Çitaku, ka njoftuar se në seancën e parë të legjislaturës së re do të propozojnë miratimin e një rezolute që lidhet me procesin në Gjykatën Speciale.
