Mbrojtësi i krahut të majtë, Leart Paqarada pritet t’i mungoj skuadrës së Kolnit edhe në ndeshjen e tretë rresht në Bundesligë.
“Kicker” ka njoftuar të mërkurën se Paqarada ka munguar në stërvitje dhe mbetet në dyshim paraqitja e tij te Kolni për duelin e së shtunës në udhëtim te Borussia Dortmundi.
Paqarada mungoi në dy ndeshjet e fundit për shkak të lëndimit dhe mungesa e tij do të jetë e madhe të Kolni, ekip që po lufton për të siguruar mbijetesën në elitën e futbollit të Gjermanisë.
Aktualisht, Kolni është i parafundit në tabelë me 23 pikë kur kanë mbetur edhe tri xhiro deri në fund të edicionit.
29-vjeçari iu bashkua Kolnit verën e shkuar nga St. Pauli dhe ka kontratë deri në verën e vitit 2026. Këtë edicion, Paqarada ka regjistruar 16 paraqitje për Kolnin në kampionatin gjerman.
Paqarada ka edhe 27 ndeshje dhe 1 gol të shënuar me Kombëtaren e Kosovës.
