Pamjet e shpërndara në internet dhe të verifikuara nga Al Jazeera tregojnë punonjësit e një kompanie amerikane sigurie duke spërkatur gaz piper mbi palestinezët që kërkojnë ushqim në një nga qendrat e shpërndarjes së ndihmave të GHF në zonën Shakoush në Rafah jugore.
Sipas gazetarëve vendas, pamjet filmike ishin të datës 10 korrik.
Agjencia e OKB-së për refugjatët palestinezë paralajmëron se Izraeli po “vret civilët nga uria”, përfshirë një milion fëmijë, në Gaza, mes një rrethimi të vazhdueshëm ndaj shpërndarjes së ndihmave thelbësore në enklavë.
Në një postim në X, UNRWA i bëri thirrje Izraelit të heqë rrethimin dhe të lejojë agjencinë të sjellë ushqim dhe ilaçe në Gaza.
Aktualisht, ndihma ushqimore shpërndahet nga GHF e mbështetur nga SHBA-të dhe Izraeli në katër pika në të gjithë enklavën. Megjithatë, kërkuesit e ndihmës, të cilët po përpiqen të marrin pakot e nevojshme, po qëllohen.
Që nga fundi i majit, kur u krijua GHF, janë vrarë gati 900 njerëz./teve1/
View this post on Instagram
