Ministri në detyrë për Kulturë, Rini dhe Sport, Hajrulla Çeku, ka njoftuar të martën se palestrës “Minatori” në Mitrovicë po i shtohen edhe 680 ulëse të reja.
Është ky një projekt që do t’i kushtojë shtetit plot 400 mijë euro, ka bërë të ditur Çeku.
“Në palestrën e sportit ‘Minatori’ në Mitrovicë po vendosen tribunat teleskopike, investim në vlerë prej 400 mijë eurosh, që përmirëson ndjeshëm kushtet për aktivitetet sportive. Me 680 ulëse të reja që po shtohen, ky investim rrit kapacitetin dhe funksionalitetin e palestrës për publikun sportdashës. Po investojmë në infrastrukturë sportive kudo në vend për të mbështetur sportistët dhe komunitetin”, ka shkruar Çeku.
Ditë më parë filloi edhe ndërtimi i Qendrës Nacionale të Xhudos në Pejë.
Nga Ministria e Kulturës, Rinisë dhe Sportit janë premtuar edhe investime të mëdha në stadiume të futbollit.
