Dy persona kanë mbetur të plagosur nga të shtënat me armë zjarri mesnatën e sotme në rrugën “Ferid Curri” në Prishtinë.
Lajmin për tëvë1.info e ka konfirmuar zëdhënësi i policisë për rajonin e Prishtinës, Enis Pllana i cili tha se për këtë rast është arrestuar një person.
Pllana ka bërë të ditur se të plagosurit janë dërguar për tretman mjekësor.
“Sot rreth orës 02:30, Policia ka pranuar informatën për të shtëna me armë zjarri në rrugën Ferid Curri në Prishtinë. Menjëherë në vendin e ngjarjes kanë dalë njësitet policore. Bazuar në të dhënat fillestare, në këtë vend janë të lënduar 2 persona, që dyshohet nga arma e zjarrit dhe të njëjtit janë dërguar për tretman mjekësor. Deri më tani është arrestuar një person i dyshuar. Njësitet relevante në koordinim me Prokurorin e Shtetit jane duke ndërmarrë veprime të mëtejme hetimore”, ka deklaruar Pllana.
Ndërkohë, për gjendjen e të plagosurve kanë treguar edhe nga QKUK-ja.
“Dy të plagosur me armë zjarri, në ora 3 e 25 min i ka sjellë policia dhe ndihma e shpejtë, viti lindjës 1995 dhe 1999, gjendja stabile , janë kryer të gjitha ekzaminime dhe trajtimi në QE, jonë transferuar për tretman të mëtutjeshëm në Klinikën e Ortopedisë”, tha Syla./teve.info/
