Presidentja e Kosovës, Vjosa Osmani, ka pranuar një mesazh urimi nga homologia e saj sllovene, Natasha Pirc Musar, me rastin e 18-vjetorit të Pavarësisë së Kosovës.
Në letrën e saj zyrtare, Pirc Musar ka theksuar përkrahjen e Sllovenisë për Kosovën dhe ka shprehur gatishmërinë për të thelluar bashkëpunimin në kuadër të Procesit Bërdo-Brioni, duke e vlerësuar këtë platformë si një mekanizëm të rëndësishëm për dialog dhe koordinim rajonal.
“Presidentja e Republikës së Kosovës, Vjosa Osmani, pranoi letër urimi nga Presidentja e Republikës së Sllovenisë me rastin e Ditës së Pavarësisë së Kosovës Në letrën e saj, Presidentja Pirc Musar nënvizoi përkrahjen e Sllovenisë për Kosovën, gjersa shprehu gjithashtu gatishmërinë për thellimin e bashkëpunimit të mëtejmë në kuadër të Procesit Bërdo-Brioni, duke e vlerësuar këtë platformë si një mekanizëm të rëndësishëm për dialog dhe bashkërendim rajonal. Hvala, gospa predsednica”, thuhet në njoftimin e Presidencës së Kosovës./teve1.info/
