Presidentja e Kosovës, Vjosa Osmani ka mirëpritur zhbllokimin e procesit të konstituimit të Kuvendit dhe ka uruar Dimal Bashën dhe nënkryetarët e zgjedhur të Kuvendit për pozitën e tyre të re.
E para e vendit shpreson që ky proces i konstituimit të Kuvendit të përmbyllet sa më parë në përputhje me kushtetutën e vendit dhe të formohet sa më parë qeveria e re.
“Presidentja mirëpret që procesi i konstituimit të Kuvendit ka filluar të zhbllokohet dhe shpreson që ky proces të përmbyllet sa më parë, në përputhje me kushtetutën. Ajo i uron punë të mbarë e në interes të vendit kryetarit të ri Dimal Basha dhe nënkryetarëve të zgjedhur të Kuvendit, znj.Albulena Haxhiu, Znj.Vlora Çitaku, z.Kujtim Shala dhe znj.Emilija Redžepi. Presidentja shpreson që sa më parë, e në përputhje me procedurat kushtetuese, Kuvendi të votojë edhe Qeverinë e re të dalë nga vullneti i qytetarëve nga zgjedhjet e 9 shkurtit”, ka shkruar presidentja./teve1.info/
