Presidentja e vendit, Vjosa Osmani, në rastin e festës së 7 Marsit, ka thënë se mësimdhënësit janë dëshmuar në kohë shumë të vështira dhe ata janë heronj të dijes.
Sipas presidentes, mësimdhënësit nuk janë persona që japin vetëm dituri, por edhe janë mentorë, udhëzues dhe burim frymëzimi, raporton teve1.info.
“136- vjet më parë, në Korçë nisi punën mësonjëtorja e parë shqipe, e cila trasoi rrugën e arsimit shqip gjithandej, duke luajtur rol qenësor në formimin e vetëdijes kombëtare që prej Rilindjes Kombëtare. Mësuese e mësues tanë janë dëshmuar në kohë shumë të vështira, ndaj ata janë heronj të dijes.Ata nuk janë vetëm persona që japin dituri, por edhe mentorë, udhëzues dhe burim frymëzimi.Në këtë ditë, të gjithë jemi mirënjohës për kontributin e çmuar të tyre në formësimin e të ardhmes sonë”, ka shkruar presidenca në Facebook.
Mes tjerash, presidentja ka thënë se arsimi cilësor është bazamenti i një shteti dhe shoqërie të suksesshme.
