Përmes njoftimit, Presidenca njoftoi se me Mehajn kanë diskutuar për vazhdimin e bashkëpunimit të ngushtë mes institucioneve për garantimin e mjedisit të sigurt.
“Presidentja Vjosa Osmani ka pritur sot në takim ministrin e Mbrojtjes, Armend Mehaj, lidhur me zhvillimet e fundit në vend si dhe sfidat e sigurisë. Presidentja Osmani dhe ministri Mehaj diskutuan për vazhdimin e bashkëpunimit të ngushtë në mes të institucioneve të sigurisë për të garantuar mjedis të sigurt për të gjithë qytetarët e vendit”, thuhet në njoftim.
Sipas njoftimit, në takim me Jasharin u diskutua për situatën e sigurisë në vend dhe ngritjen e kapaciteteve të FSK-së.
“Presidentja Vjosa Osmani takoi sot komandantin e Forcës së Sigurisë së Kosovës, gjenerallejtënant Bashkim Jasharin. Presidentja Osmani dhe gjenerallejtënant Jashari diskutuan mbi situatën e sigurisë në vend. Në takim u diskutua edhe për ngritjen e kapaciteteve, trajnimet dhe përgatitjet e FSK-së për ta realizuar misionin e saj”, thuhet në njoftim./teve1.info/
