Presidentja e Kosovës, Vjosa Osmani, në kuadër të samitit të katërt të Komunitetit Politik Evropian (EPC), ka takuar Kaja Kallasin, e cila pritet të jetë përfaqësuesja e Lartë e Politikës së Jashtme të Bashkimit Evropian.
“Paqja dhe siguria në Evropë kërkojnë lidership të fortë dhe të guximshëm, të cilin kryeministrja Kallas e ka demonstruar në vazhdimësi”, thuhet në njoftimin e Presidencës për takimin të premten.
Kallasi para katër ditësh ka dhënë dorëheqje nga pozita e kryeministres së Estonisë, për ta zëvendësuar Josep Borrellin në rolin e kryediplomates së BE-së.
