Përfshirja e grave në procese të paqes dhe sigurisë, parakusht për demokracinë. Presidentja e vendit, Vjosa Osmani-Sadriu ka thënë se roli i gruas në shtetndërtim ka qenë sfidë gjatë luftës në Kosovë, ndërsa kryeparlamentari, Glauk Konjufca, ka kërkuar numër më të madh të grave në jetën politike.
Nga disa vende të rajonit, erdhën në Kosovë.
Synim kanë të rrisin dhe fuqizojnë zërin e grave në të gjitha sferat politike dhe vendimmarrëse.
Pjesë e konferencës rajonale “Parlamentarizmi dhe Rezoluta 1325: Perspektivat nga Ballkani Perëndimor” ishte edhe e para e shtetit.
Presidentja Vjosa Osmani tha se roli i gruas në procesin e shtendërtimit ka qenë edhe në kohrat e rezistencës.
“Në bosht të historisë sonë, të popullit tonë, në fazat e ndryshme të saj, si në kohën e rezistencës paqësore ashtu edhe gjatë luftës së UÇK-së, edhe pas luftës në procesin e ndërtimit të paqes, në procesin e shtetndërtimit, edhe sot ndërsa forcojmë pozitën tonë në arenën ndërkombëtare, ka qenë roli i grave që ka shtyrë përpara paqen dhe sigurinë në vendin tonë”, u shpreh presidentja e Kosovws, Vjosa Osmani.
Teksa bëri të ditur se në Kosovë do të ndërtohet Qendra rajonale për gratë, paqen dhe sigurinë.
Disa fjalë i pati edhe kryeparlamentari Glauk Konjufca.
“Agjenda për gratë, paqen dhe sigurinë qëllim kryesor e ka pozicionimin e grave si partnere të barabarta në të gjitha fushat që lidhen me paqen dhe sigurinë. Kosova është një shembull i mirë i përkushtimit për përmbushjen e agjendave globale pavarësisht se shpesh jemi të kufizuar për t’i dhënë zë punës tonë në këta organizma në të cilët ne ende nuk jemi anëtarë”, u shpreh Osmani.
Rezoluta 1325 “Gratë, Paqja dhe Siguria”, është miratuar më 31 tetor të vitit 2000 në Këshillin e Sigurimit të Organizatës së Kombeve të Bashkuara.
