Osmani në Facebook tha se Kosova është e gatshme të kontribuojë në mënyrë aktive për një Evropë më të bashkuar, më paqësore e më demokratike.
“Në takim me ministrin e Jashtëm të Polonisë, Zbigniew Rau, i cili po viziton Kosovën edhe si kryesues aktual i OSBE-së, diskutuam për rolin e OSBE-së në mbështetjen e institucioneve të Republikës përgjatë dy dekadave të fundit, si dhe për zhvillimet e fundit të sigurisë në rajon dhe më gjerë”, ka shkrur ajo.
Tutje Osmani theksoi se Kosova ka shënuar progres të vazhdueshëm në forcimin e sundimit të ligjit, demokracisë dhe të drejtave të njeriut, teksa tha se presim përkrahje në rrugëtimin euro-atlantik nga shtetet që ndajnë vlera të njëjta.
Kurse pas takimit me presidenten Osmani, kryesuesi i OSBE-së dhe ministri i Punëve të Jashtme të Polonisë, Zbigniew Rau, është pritur në takim nga homologia e tij, Donika Gërvalla.
