Përmes një postimi në Twitter, Osmani e vlerësoi arritjen e një marrëveshjeje të tillë si të një rëndësie vendimtare dhe se zbatimi është hapi kyç tutje.
“Progresi i arritur sot në dialogun Kosovë-Serbi përmes arritjes së marrëveshjes për udhërrëfyesin e energjisë është i një rëndësie vendimtare. Si gjithmonë, Kosova ka treguar të jetë konstruktive dhe e angazhuar në mënyrë aktive në këtë proces. Tani zbatimi është hapi kyç përpara!”, shkroi Osmani.
Ndryshe, serbët tash e 23 vjet nuk paguajnë për shpenzimet e bëra, e ato janë mbuluar nga Qeveria e Kosovës dhe taksapaguesve të saj.
Të martën u ra dakord për udhërrëfyesin për zbatim të Marrëveshjes mes Kosovës dhe Serbisë për çështjen e faturimit të rrymës në komunat veriore të Kosovës, e arritur më 2013./teve1.info/
