Përzgjedhësi i Kombëtares U17, Arbnor Morina, ka publikuar listën e futbollistëve të ftuar për dy ndeshjet kualifikuese që e presin këtë grupmoshë.
Dardanët e rinj do të përballen me Holandën U17 dhe Bjellorusinë U17, në kuadër të kualifikimeve, me sfidat që do të zhvillohen më 25 dhe 28 mars në Turqi.
Sipas planit të përgatitjeve, ekipi do të grumbullohet më 22 mars në Kampin Nacional të Federatës së Futbollit të Kosovës, ndërsa udhëtimi drejt Turqisë është paraparë të realizohet më 24 mars.
Këto dy përballje konsiderohen shumë të rëndësishme për Kombëtaren U17, që synon paraqitje sa më të mira dhe rezultate pozitive në këtë fazë kualifikuese.
