Kombëtarja e Kosovës dhe Bosnja e Hercegovinës do të ndeshen sonte (20.00) në palestrën “Mejdan” të Tuzllës.
Ndeshja është e vlefshme për kualifikimet në Kampionatin Botëror të hendbollit.
Ndeshja e parë do të luhet sonte në “Mejdan”, ndërsa e kthimit pas tre ditësh në Prishtinë.
Selektori i Bosnjës, Damir Doborac, ka të gjithë lojtarët që i ka ftuar, përveç Elmas Avdiqit, i cili do të jetë jashtë për një kohë të gjatë për shkak të një dëmtimi në bërryl.
Të gjithë të tjerët janë gati për të luajtur ndeshjen e ardhshme.
Kosova synon befasinë ndaj rivalit shumë të fortë dhe që hiqet favorit i madh.
