Sot në 24-vjetorin e masakrës në Brestoc të Rahovecit, presidentja e vendit, Vjosa Osmani ka thënë se nuk mund të ketë paqe pa drejtësi për krimet që ka bërë Serbia në Kosovë.
Ajo thotë së “sjellja e kriminelëve para drejtësisë është përpjekje e jona e çdoditshme”, përcjell teve1.info
“Sot bëhen 24-vjet që kur forcat e regjimit gjenocidal të Serbisë vranë 75 civilë në Celinë, 68 në Fortesë dhe 49 në Brestoc të Rahovecit. Në këtë ditë në mbrojtje të popullsisë civile, ranë edhe pesë dëshmorë të UÇK-së.Në këtë përvjetor, e kujtojmë secilin civil që ra për lirinë e vendit dhe të gjithë dëshmorët e UÇK-së që e bën të mundshme lirinë tonë. Nuk mund të ketë paqe e stabilitet pa drejtësi për krimet që ka bërë Serbia kudo në Kosovë. Sjellja e kriminelëve para drejtësisë është përpjekje e jona e çdoditshme. Qoftë i përhershëm kujtimi për civilët dhe dëshmorët”, është shprehur Osmani.
Rahoveci ka shënuar përvjetorin e masakrave të ndodhura në disa fshatra të saj.
Në Brestoc në 24-vjetorin e tyre, u kujtuan 5 dëshmorët dhe 49 martirët e këtij fshati. /Teve1.info/
