Gjatë vizitës së saj në Pallatin Federal të Zvicrës, Vjosa Osmani shprehu mirënjohjen për mirëpritjen nga delegacioni zviceran dhe pati një porosi për shqiptarët në diasporë.
Ajo ka thënë se Zvicra ka mbështetur Kosovën në ditët e saja më të vështira duke treguar kështu vlerën e solidaritetit.
“Është kjo frymë që populli i Zvicrës dhe ky vend i mrekullueshëm qëndron me Kosovën në kohët më të vështira, si dhe në kohët më me shpresë. Njëjtë si kur ky vend ofroi strehë mendjeve si Albert Ajnshtajnit, dhe Thomas Mann-it, si dhe një vajze të re të quajtur Madeline Albright, e cila më vonë u bë Sekretarja e Shtetit në SHBA, edhe qindra mijëra kosovarë gjetën strehë këtu gjatë kohës më të errët në historinë tonë. Sot qindra mijëra qytetarë me origjinë kosovarë jetojnë në këtë vend”.
Nga ndryshimet ne kemi ndërtuar një pikë të përbashkët dhe ëndrra të përbashkëta. Së bashku kemi formuar një partneritet të veçantë, të pasur në miqësi dhe të pasur në lidhjet njeri-njeri. Fëmijët e atyre që dikur erdhën si refugjatë, tani janë doktorë, inxhinierë, artistë dhe ndërmarrje-marrës. Ata çdo ditë ndihmojnë prosperitetin e shtëpisë së tyre të re”, tha Osmani, transmeton KP.
Ajo nuk la pa përmendur yllin e futbollit Xherdan Shaqiri, i cili sipas saj luajti rol kyç në Bazel dhe Zvicrën. Ndërkohë ajo dha një mesazh për shqiptarët në Zvicër.
“Pa marrë parasysh profesionin tënd, origjinën tënde, apo madhësisë tënde të platformës, bëhu një forcë për të mirën, bëhu një shembull i mishëruar se si duket një integrimi pozitiv. Të jetosh në këtë vend nuk është vetëm privilegj, është përgjegjësi”, ka thënë Osmani.
Ndryshe, Osmani përmes një postimi në Facebook, ka falënderuar mërgatën shqiptare në Zvicër.
