Sot në Asamblenë Parlamentare të Këshillit të Evropës në rend dite është edhe anëtarësimi i Kosovës në Këshill të Evropës.
Presidentja e Kosovës, Vjosa Osmani ka thënë se kushdo që beson në një të ardhme që mbështet vlerat e demokracisë dhe të drejtat e njeriut do të votojë pro Kosovës për anëtarësim në KiE.
“Sot, anëtarëve të Asamblesë Parlamentare të Këshillit të Evropës u jepet mundësia të dërgojnë një mesazh të fuqishëm se Evropa qëndron e fortë në përkushtimin e saj ndaj demokracisë dhe të drejtave të njeriut! Kushdo që beson vërtet në një të ardhme që mbështet këto vlera do të votojë në favor të anëtarësimit të Kosovës në Këshillin e Evropës”, ka shkruar Osmani në platformën X.
Today, @PACE_News Assembly Members are given the opportunity to send a powerful message that Europe stands strong in its commitment to democracy & human rights!
Everyone that truly believes in a future that upholds these values will vote in favor of 🇽🇰’s membership to the @CoE. pic.twitter.com/N1n7a98IUJ
— Vjosa Osmani (@VjosaOsmaniPRKS) April 16, 2024
Më 27 mars 2024, Komiteti për Politikë dhe Demokraci i Këshillit të Evropës ka miratuar raportin për Kosovën, ku rekomandohet që shteti ka përmbushur kushtet për t’u bërë anëtar i plotë i Këshillit të Evropës.
