Osmani tutje tha se në këtë ditë nuk u atakua vetëm Amerika, pasi sipas saj, edhe Kosova beson në po të njëjtat vlera, në ato të lirisë dhe demokracisë.
“I bashkohemi gjithë popullit amerikan për të ndarë dhimbjen për më shumë se 3 mijë jetë të humbura, në një betejë e cila edhe njëherë u dëshmua të jetë betejë vlerash. Më 11 shtator 2001, shtetasit amerikan ishin në një ndër sulmet terroriste më të tmerrshme në historinë e njerëzimit. Por, atë ditë nuk u atakua vetëm Amerika, u atakuam të gjithë ne që besojmë në po të njëjtat vlera, në vlerat e lirisë e të demokracisë”, deklaroi Osmani.
Ndërkaq, Osmani tha se populli i Kosovës do qëndrojë gjithmonë krah Amerikës në mbrojtje të këtyre vlerave.
“Që nga ai vit e tutje, populli i Kosovës çdo ditë ka qëndruar me popullin amerikan, i kemi bashkuar forcat në mbrojtje të këtyre vlerave. Prandaj, Kosova u dëshmua të jetë shembull në mbrojtjen e po këtyre vlerave. Do të vazhdojmë të qëndrojmë së bashku me miqtë dhe aleatët tanë në Shtetet e Bashkuara të Amerikës, ashtu siç SHBA-të kanë qëndruar pranë nesh në çdo moment dhe në çdo hap të historisë sonë”, tha tutje Osmani./Tëvë1.info.
